Фотоотчет о празднике Покрова Пресвятой Владычицы нашей Богородицы
Стало доброй традицией отмечать праздники в храме во имя вмч. Никиты Готфского. Вот и Покров встретили, а там, глядишь, и Рождество подойдет, а за ним и Светлое Воскресение Христово наступит…
В сей чудный день прихожане, стоящие в стенах храма во имя вмч. Никиты Готфского, возрадовались и воспели славу Пресвятой Владычице нашей Богородице, прося милости и защиты: для себя, для своих близких, для отечества своего, зная, что не оставит их Матерь Божья и покроет своим небесным омофором, как укрыла город Константинополь от нашествия безбожных агарян тысячу лет назад.
***
Радуйся, Православия несокрушимая крепосте и оградо; радуйся, святых храмов и олтарей первейшее украшение…
Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая…
Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение…
Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая…
Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице…
Радуйся, совершенный Разуме наставников и детоводителей; радуйся, благословение домов и семейств благочестивых…
Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая…
Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая…
Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая…
Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий…
Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя…
Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая…
Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая…
Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая…
Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим…
Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице…
Радуйся, тайный покое и отрадо рабов кротких и страждущих; радуйся, всежеланное совершение благих супружеств…
Радуйся, всей вселенной крепкое заступление; радуйся, всех стихий земных и небесных освящение…
Радуйся, всех времен года благословение; радуйся, всех наветов и искушений, от мира, плоти и диавола находящих, попрание…
Радуйся, Радосте наша, покрый нас от всякаго зла честным Твоим омофором.
Эту статью прочитали (156)